संगमनेर पंचायत समितीत थोरात-विखे समर्थक एकमेकांना भिडले, जोरदार घोषणाबाजी करत आरोप-प्रत्यारोप; पोलिसांचा मोठा फौजफाटा तैनात By Admin 2025-06-27

दैनिक आनंद News (प्रतिनिधी)

संगमनेर पंचायत समितीत थोरात-विखे समर्थक एकमेकांना भिडले, जोरदार घोषणाबाजी करत आरोप-प्रत्यारोप; पोलिसांचा मोठा फौजफाटा तैनात

संगमनेर- तालुक्यातील जोर्वे ग्रामपंचायतीतील आर्थिक अनियमितता आणि भ्रष्टाचाराच्या आरोपांमुळे माजी मंत्री बाळासाहेब थोरात आणि जलसंपदा मंत्री राधाकृष्ण विखे-पाटील यांच्या समर्थकांमध्ये तणाव निर्माण झाला आहे.

२०२२ ते २०२५ या कालावधीत ग्रामपंचायतीत लाखो रुपयांच्या वस्तूंची खरेदी दाखवली गेली, परंतु त्या गावात न आल्याचा आरोप थोरात समर्थकांनी केला आहे. दुसरीकडे, विखे-पाटील समर्थकांनी हे आरोप राजकीय द्वेषातून प्रेरित असल्याचे सांगत त्वरित चौकशीची मागणी केली आहे. गुरुवारी (दि. २६ जून २०२५) संगमनेर पंचायत समितीवर दोन्ही गटांचे समर्थक आमनेसामने आले, ज्यामुळे जोरदार घोषणाबाजी आणि तणावपूर्ण वातावरण निर्माण झाले.